ចំណីអាហារជំនួយខួរក្បាល!

ដើម្បីដំណើរការប្រកប ដោយអាហាររូបត្ថម្ភពេញលេញ ខួរក្បាលយើងត្រូវការអុកស៊ីហ្សែន និងថាមពល។ ខួរក្បាលមានទម្ងន់ប្រមាណជា 2% នៃម៉ាសខ្លួនតែប៉ុណ្ណោះ ប៉ុន្ដែវាត្រូវការថាមពល និងអុកស៊ីហ្សែនរបស់សព៌ាង្គកាយ ដល់ទៅ 20%។ ដូច្នេះ ខួរក្បាលត្រូវការថាមពល និងអុកស៊ីហ្សែនច្រើនជាងសរីរាង្គដទៃទៀត ចំនួន 10 ដង។

ខួរក្បាលមនុស្ស ក៏ត្រូវការប្រភពថាមពលដែរ គឺជាតិស្ករគ្លុយកូស។ ខួរក្បាលទាញយកថាមពលចេញពីជាតិស្ករគ្លុយកូសតែប៉ុណ្ណោះ។ ខួរក្បាលមិនផលិត និងស្ដុកបម្រុងទុកជាតិគ្លុយកូសនេះទេ ប៉ុន្ដែវាប្រើប្រាស់ថាមពលនេះ ចំនួន 5 ក្រាមក្នុង 1 ម៉ោង។

ដើម្បីឱ្យខួរក្បាលទទួលបានការផ្គត់ផ្គង់ត្រឹមត្រូវ និងសុខភាពខួរក្បាលល្អប្រសើរ ជាតិគ្លុយកូសត្រូវមានវត្ដមាននៅក្នុង ឈាម ក្នុងកម្រិតលំនឹង និងស្ថេរភាព។ ហេតុនេះ សូមជ្រើសរើសបរិភោគ ឬទទួលទានចំណីអាហារ ដែលមានជាតិស្ករជ្រាបយឺត សម្រាប់អាហារពេលព្រឹក និងពេលថ្ងៃត្រង់ គប្បីចៀសវាងស្ករជ្រាបរហ័ស។ ជាតិស្ករជ្រាបយឺត ឬជាតិស្ករល្អ មាននៅក្នុងចំណីអាហារ ដែលរំលាយខ្លួនយឺតៗ ទម្រាំជ្រួតជ្រាបចូលទៅក្នុងឈាម។ ជាអាទិ វាមាននៅក្នុងគ្រាប់ធញ្ញជាតិមិនទាន់ច្នៃ (ដូចជាអង្ករ បាយ ម្ស៉ៅ មិនទាន់ច្នៃជាដើម) បន្លែជាតិម្សៅ និងបន្លែស្ងួត(ដូចជាសណ្ដែក សណ្ដែកបាយ សណ្ដែកបារាំងជាដើម) ព្រមទាំងពពួកផ្លែឈើស្រស់ និងបន្លែបៃតង។ រីឯជាតិស្ករជ្រាបរហ័ស ឬជាតិស្ករអាក្រក់ មាននៅក្នុងចំណីអាហារដែលមានជាតិស្ករ បំបែកខ្លួនរត់ចូលទៅក្នុងឈាម យ៉ាងលឿន ជាពិសេសនៅក្នុងស្ករសគ្រប់ប្រភេទ ស្ករត្នោត ទឹកឃ្មុំ ម្សៅកែច្នៃ ល្ពៅ ឪឡឹក ពោតជាដើម។

ចំពោះអុកស៊ីហ្សែនវិញ វាត្រូវបានដឹកជញ្ជូនដោយជាតិដែក។ ប្រជាពលរដ្ឋខ្មែរមួយចំនួនធំ ទទួលរងកង្វះជាតិដែក ឬ អាការស្លេកស្លាំង។ តាមការអង្កេត មានស្ដ្រីយ៉ាងហោចណាស់ 25% (ក្នុងចំណោម 4 នាក់ មានម្នាក់) ក្នុងវ័យចន្លោះវ័យពេញវ័យ និង វ័យអស់រដូវ មានកង្វះជាតិដែក ឬស្លេកស្លាំង។ ដូច្នេះ ដើម្បីផ្គត់ផ្គង់ជាតិអុកស៊ីហ្សែនទៅឱ្យប្រព័ន្ធប្រសាទនឺររ៉ូន យើងត្រូវការជាតិ ដែក។

តើយើងអាចរកបានជាតិដែក នៅក្នុងអ្វីទៅ? រុក្ខជាតិមានជាតិដែកតិចតួចបំផុត ទោះបីជាស្ពៃខៀវក្ដី។ ប៉ុន្ដែបើតាមគំនូរ ជីវចល ដែលធ្លាប់បានចាក់ផ្សាយនៅក្នុងស្ថានីយ៍ទូរទស្សន៍នៅកម្ពុជា ប៉ុបអាយស៊ីស្ពៃខៀវ នៅពេលខ្លួនចង់ឈ្នះលើគូសត្រូវ គឺដើម្បី ឆ្លាត និងមានកម្លាំងខ្លាំងក្លា។ តើប៉ុបអាយយល់ច្រឡំ ឬក៏អ្នកគូររូបគំនូរជីវចលនេះយល់ច្រឡំ? តាមការស្រាវជ្រាវ សារពាង្គកាយ មនុស្សស្រូបយកជាតិដែករុក្ខជាតិ បានម្រាណជា 2% តែប៉ុណ្ណោះ។ ចំពោះត្រកួនដែលខ្មែរយើងយល់ថាសម្បូរជាតិដែក មិនទាន់ឃើញ មានឯកសារណាអះអាងថា មានជាតិដែកកម្រិតខ្ពស់ប៉ុណ្ណានោះទេ។ ជាតិដែកដែលអាចជ្រាបបាន មានសម្បូរគួរសមនៅក្នុងសាច់ សត្វពណ៌ក្រហម។

Milan Tomic

Hello I am Lang Chan Daro . A freshman in Sitec Institute (SN2) . This is my site , you guys can get the NEWS from my site . I'm updating this site everyday or if you want to keep your advertise in my site . Can go to Contact Us and call or mail to me . Thanks You for visiting my site.