សម្រាប់អ្នកប្រើ iDevice ត្រូវត្រៀមអ្វីខ្លះ ដើម្បីអាចតម្លើងទៅកាន់ iOS 10 បាន?

ទន្ទឹមនឹងការចេញជាផ្លូវការនៃប្រភេទទូរស័ព្ទស្មាតហ្វូន iPhone7 និង iPhone7 Plus ក្រុមហ៊ុន Apple ក៏នឹងបញ្ចេញនូវកំណែ Update ជំនាន់ថ្មីប្រព័ន្ធប្រតិបត្តិការ iOS10 ដែលជាកំណែ Update ចុងក្រោយបំផុត នៅថ្ងៃអង្គារ ទី១៣ស្អែកនេះផងដែរ។

ប្រព័ន្ធប្រតិបត្តិការ iOS10 មានមុខងារថ្មីជាច្រើន ហើយថែមទាំងអាចលុបកម្មវិធីផ្លូវការរបស់ Apple ដែលនឹងធ្វើឲ្យអ្នកប្រើប្រាស់ពេញចិត្តស្តូក ទៅលើមុខងាររបស់វា ដោយត្រូវគេដឹងថា មានបំពាក់នូវមុខងារពិសេសជាច្រើន សម្រាប់សម្រួលដល់ការប្រើប្រាស់ប្រចាំថ្ងៃ។

ប្រសិនបើអ្នកទាំងអស់គ្នាចង់ប្រើប្រាស់ប្រព័ន្ធប្រតិបត្តិការ iOS10 តើ iDevice ប្រភេទណាខ្លះដែលអាចធ្វើការ Update បាន? ខាងក្រោមនេះគឺជាឈ្មោះឧបករណ៍ iDevice ដែលអាចធ្វើការតម្លើងប្រព័ន្ធប្រតិបត្តិការ iOS10 បានៈ

iPhone

-iPhone 7

-iPhone 7 Plus

-iPhone SE

-iPhone 6s Plus

-iPhone 6s

-iPhone 6 Plus

-iPhone 6

-iPhone 5s

-iPhone 5c

-iPhone 5

iPad

-iPad Pro, 12.9-inch

-iPad Pro, 9.7-inch

-iPad Air 2

-iPad Air

-iPad mini 4

-iPad mini 3

-iPad mini 2

-iPad 4

- iPad 4th gen

ដើម្បីធ្វើការតម្លើងប្រព័ន្ធប្រតិបត្តិការ iOS10 បាន លោកអ្នកត្រូវតែ BACKUP រាល់ទិន្នន័យទាំងអស់នៅក្នុងទូរស័ព្ទ ដើម្បីបញ្ចៀសរាល់ការបាត់បង់ទិន្នន័យនៅក្នុងទូរស័ព្ទ នៅពេលមានបញ្ហាណាមួយកើតឡើង កំឡុងពេល Update ។ រួចចូលទៅកាន់ Setting > General > Software Update បន្ទាប់មកធ្វើការ Install ហើយរង់ចាំដល់វាដំណើរការចប់ ជាការស្រេច។

គួរបញ្ជាក់ថា ប្រព័ន្ធប្រតិបត្តិការ iOS10 រចនាឡើងដោយមានមុខងារថ្មីៗមួយចំនួន ដែលធ្វើឲ្យអ្នកប្រើប្រាស់ iPhone និង iPad ពេញចិត្ត ដូចជាៈ

១. ដោះសោរមិនបាច់អូសលើអេក្រង់ ហើយជំនួសមកវិញនូវការចុចប៊ូតុង Home បន្ទាប់ពីចុចប៊ូតុងថាមពល។

២. អាចលុបកម្មវិធីផ្លូវការរបស់ Apple ហើយក៏អាចលុបតន្ត្រីក្នុងស្មាតហ្វូនម្ដងទាំងអស់បាន។

៣.អាចធ្វើការសន្ទនាតាមកម្មវិធី WhatsApp ឬ Facebook Messenger ដោយមិនបាច់ដោះសោ។

៤. មុខងារផ្ញើសារ iMessage មានភាពទាក់ទាញជាងមុន ដោយបន្ថែម emoji រួមជាមួយគំនូរក្រាហ្វិក ហើយថែមទាំងអាចកំណត់ឲ្យអ្នកផ្ញើសារទទួលបានព័ត៌មានថា សារដែលគេផ្ញើរនោះបានទៅដល់អ្នកទទួលឬអត់។

៥. មុខងារម៉ោងរោទិ៍ មានការរចនាថ្មីងាយស្រួលមើល ហើយមិនស៊ីថ្ម។

Milan Tomic

Hello I am Lang Chan Daro . A freshman in Sitec Institute (SN2) . This is my site , you guys can get the NEWS from my site . I'm updating this site everyday or if you want to keep your advertise in my site . Can go to Contact Us and call or mail to me . Thanks You for visiting my site.